Një pakicë fetare është kursyer kryesisht nga tmerret e luftës civile shtatëvjeçare të Sirisë, e këta janë Druzët.

Shumica jetojnë në rajonin gropa-gropa të Jabal al-Druze, në provincën jugperëndimore të Suweidës.

Ata anë qenë shumë të qetë përveç disa sulmeve të izoluara.

Megjithatë, të gjitha këto ndryshuan dy javë më parë, kur në natën e 25 korrikut, një sulm shumë i koordinuar nga grupi xhihadist i Shtetit Islamik (IS) la më shumë se 200 të vdekur, shumica prej të cilëve civilë.

IS militantët gjithashtu rrëmbyen 13 gra, 17 fëmijë dhe një 19-vjeçar, i cili u vra më vonë.

Të enjten, xhihadistët telefonuan  familjen e një prej grave për të thënë se ajo kishte vdekur për shkak të shëndetit të ligë. Fati i pengjeve të tjera është ende i panjohur.

“Në fund do t’i kthejmë ata, qoftë të martirizuar apo të gjallë”, tha Fareez Abu Ammar, një 30 vjeçar nga Suweida i cili humbi nënën, xhaxhain dhe shumë të afërm të tjerë në sulm.

Nusja e tij dhe tre fëmijët e saj – djemtë Rafat dhe Yorub, dhe vajza Lana – janë midis atyre që u rrëmbyen.

Abu Ammar jeton në Bejrut, në Libanin fqinj dhe nuk mund të kthehej në Suweida për të marrë pjesë në funeralin e nënës së tij, sepse ai kërkohej nga autoritetet siriane për shkak see kishte shmangur shërbimin e detyrueshëm ushtarak./arbresh.info/