Zhvillimi i teknologjisë, distanca, evoluimi i komunikimit të përditshëm etj janë disa prej atyre faktorëve që kanë ndryshuar katërcipërisht jetën e njeriut modern.

E këtyre ndryshimeve nuk mund të shpëtojnë as institucionet që për një kohë të gjata shiheshin,si rregullatore të shoqërisë siç është martesa. Të gjithë jemi të ndërgjegjshëm që është e vështirë të mbash një martesë të gjallë dhe të shëndetshme, por australiania Linda Doktar ka zgjedhur ka gjetur një zgjidhje shumë më të lehtë; të martohet me veten e saj..

Linda Doktar përjetoi një histori të dhimbshme dashurie, ju thye zemra nga ish-i dashuri i saj dhe kështu mori një vendim: të martohet me vetveten. 34-vjeçarja mbajti një ceremoni të thjeshtë intime në plazh dhe ftoi vetëm 3 miqtë e saj më të ngushtë. Ajo zbatoi të gjitha rregullat e një martese, kishte një dëshmitar, fustan të bardhë, buqetë me lule madje bëri edhe betimet.

“Mendova se kjo ishte një mënyrë kaq e bukur për të simbolizuar dashurinë dhe vetvlerësimin në një nivel të tillë. Besoj se lidhja më e rëndësishme që mund të kem ndonjëherë është me veten time.”,- ka treguar Linda.

Mjaftoi një pasqyrë për të bërë betimin e dashurisë së përjetshme, e madje këtë lloj martese Linda ua sugjeron të gjithë atyre që kanë kaluar një ekperiencë si e saja.