Trajneri i Interit, Luciano Spalleti ka konfirmuar interesimin e klubit në qendërmbrojtësin e Atleticos, Sime Vrsaljko.

Thashetheme të ndryshme pretendojnë se “Nerazurrët” janë afër marrëveshjes me 26-vjeçarin kroat, i cili ka shkëlqyer në Kampionatin Botëror ku vendi i tij arriti deri në finale për herë të parë në historinë e tyre, transmeton portali arbresh.info.

“Neve na pëlqen Vrsaljko. Drejtorët janë duke punuar, shumë gjëra do të sqarohen menjëherë pasi të fillojnë përgatitjet tona, kur skuadra jonë është më e vendosur”, ka thënë Spalleti.

“Sa më shumë që kalojnë ditët dhe ne i afrohemi përfundimit të merkatos, situatat ndryshojnë”

“Ne jemi duke punuar në fushë, andaj Ausilio [drejtori sportiv] dhe Gardini [drejtori administrativ] janë duke menduar për këtë. Ju gjithashtu i dini pozitat që ne kemi nevojë të mbulohemi”

Interi ka qenë mjaftë i zënë në këtë merkato pasi deri tani ka siguruar shërbimet e Radja Nainggolan, Lautaro Martinez dhe Matteo Politanos./arbresh.info/