Rusia nis fushatë për lirimin e Maria Butinës

10:54 | 20 Korrik 2018
A. B.

Ministria e Jashtme e Rusisë nisi një fushatë në Twitter, që bën thirrje për lirimin e Maria Butinës, një grua ruse, që ka krijuar lidhje me politikanët konservatorë në SHBA.

Butina, 29 vjeçe, u arrestua nga FBI-ja dhe u akuzua këtë javë për komplote dhe veprime si agjente e huaj.

Ajo dyshohet se ka bërë përpjekje për të infiltruar grupet politike në SHBA, përfshirë Shoqatën e fuqishme Kombëtare të Pushkëve, me qëllim avancimin e interesave rusë.

Butina po mbahet në një burg në Uashington.

Ministria e Jashtme ruse shpërndau në Twitter frazën “Lirojeni Maria Butinën”, vuri në profil fotografinë e saj dhe kërkoi nga mbështetësit e Butinës ta bëjnë të njëjtën në mediat sociale.

В связи с арестом в #США гражданки России Марии Бутиной мы начинаем флешмоб в ее поддержку. #FreeMariaButina. Ставьте себе на аватарки фото Марии. pic.twitter.com/ekhh9ayvGA

— МИД России ?? (@MID_RF) July 19, 2018