Gjokoviqit nuk i bëjnë përshtypje kërcënimet serbe, e çon në qiell Kombëtaren kroate

14:37 | 17 Korrik 2018
Arbresh.info

Novak Gjokoviq ka qenë në qendër të kritikave gjatë javës së fundit në Serbi pasi ka mbështetur publikisht përfaqësuesen kroate.

Në mediat serbe është cilësuar “idiotësi” ajo që po bënte tenisti i njohur, i cili mbështeste një vend kundër të cilit Serbia kishte qenë në luftë disa vite më parë.

Por Gjokoviq nuk është shqetësuar nga këto interpretime të mediave serbe dhe që dje, ka falënderuar përsëri publikisht Kroacinë për imazhin e mirë që ka dhënë të rajonit.

“Unë do të dëshiroja të falënderoja Luka Modriqin dhe të gjithë ekipin kroat për një sukses të jashtëzakonshëm. Është diçka e madhe të shohësh vende kaq të vogla nga rajoni ynë që t’ia dalin në një aktivitet kaq të madh si Kupa e Botës”, tha Gjokoviq, i cili është i bindur se ka të njëjtën mbështetje kur ai zbret në fushë.

“Ata janë tifozë të mi dhe unë i tyre”, ishin fjalët e tenistit serb.