Lazio fillon nesër stërvitjet para-sezonale dhe trajneri Simone Inzaghi ka ftuar 30 lojtarë, përfshirë Valon Berishën dhe Francesco Acerbin.

“Aquile” ka qenë në top katërshe gjatë gjithë edicionit, por një disfatë e pësuar vonë nga Interi në ndeshjen e fundit bëri që ata të përfundojnë në pozitën e pestë, transmeton portali arbresh.info.

Inzaghi dhe skuadra e tij janë mbledhur për stërvitjet para-sezonale në Auronzo di Cadore këtë mbrëmje.

Aty ishte një grup prej 30 lojtarëve, por numri pritet të rritet me ardhjen e atyre që janë në detyrë me skuadrat kombëtare për shkak të Kampionatit Botëror.

Berisha, i cili është transferuar së fundmi te Lazio, është ftuar gjithashtu./arbresh.info/

Skuadra e Lazios: Adamonis, Guerrieri, Proto, Strakosha; Acerbi, Basta, Bastos, Durmisi, Filippini, Luiz Felipe, Marusic, Patric, Radu, Wallace; Berisha, Cataldi, Di Gennaro, Jordao, Leiva, Lombardi, Luis Alberto, Lulic, Minala, Murgia, Parolo, Sprocati; Caicedo, Immobile, Neto, Rossi