Brazili ka eliminuar Serbinë nga turneu madhështor në Rusi me takimin e zhvilluar mbrëmjen e sotme (e mërkurë).

Kampioni i pesëfishtë i botës ka realizuar fitore me rezultat 2 me 0 në takimin e xhiros së tretë në kuadër të grupeve të zhvilluar kundër kombëtares serbe në Kampionatin Botëror “Rusia 2018”, shkruan portali arbresh.info.Anësori Paulinho realizoi në formë mjaftë të bukur golin e epërsisë në minutën e 36′ të pjesës së parë pas një super asistimi nga distanca që erdhi nga bashkëlojtari i tij te Barcelona, Philippe Coutinho.

Thiago Silva ishte autori i golit të dytë duke shkatërruar kështu shpresat e skuadrës së trajnerit serb Mladen Krstajic për ndonjë befasi që të vazhdojnë tutje në raundin tjetër.

Silva realizoi me kokë në minutën e 68′ të pjesës së dytë pas asistimit nga Neymar.Kombëtarja nga Amerika e Jugut humbi yllin në mbrojtje – Marcelon, i cili u detyrua të largohet nga fusha si pasojë e lëndimit pas vetëm nëntë minuta lojë në stadiumin Spartak.

Brazili përfundon fazën e grupeve si një lider i Grupit E, i ndjekur nga Zvicra e shqiptarëve që vazhdon tutje në xhiron e 1/16-së./arbresh.info/

Shikoni dy golat: