Kwadwo Asamoah ka bërë të ditur se së shpejti do të zyrtarizohet te klubi, ku do të luajë në sezonin e ardhshëm.

Kontrata e 29-vjeçarit me Zonjën e Vjetër skadon më 30 qershor, ndërsa Interi është favorit për nënshkrimin e tij.

“Thashethemet në futboll janë diçka që ndodhin gjatë gjithë kohës, si lojtar, ekipet do të kontaktojnë, do të përpiqen të të transferojnë, por ne jemi akoma në bisedime”.

“Nuk do të qëndroj te Juventusi, sepse tashmë kam bërë një deklaratë për këtë dhe kam thënë lamtumirën time”.

“Ekipi të cilit do t’i bashkohem do të bëhet publik shumë shpejt. Gjashtë vite të mira me Juventusin erdhën me arritje të mëdha dhe trofe”.

“Jam shumë i lumtur, jo secili lojtar e ka mundësinë të fitojë trofe çdo vit. Jam krenar për gjithçka që kemi bërë me këtë klub të madh”, ka deklaruar ganezi për Citi FM.

Futbollisti që luan edhe si mbrojtës edhe si mesfushor, iu bashkua Juventusit në vitin 2012 nga Udinese.