Kryetari i Kuvendit të Kosvoës, Kadri Veseli, ka njoftuar se së shpejti do të merret vendimi për pranimin e Kosovës në Asamblenë Parlamentare të Frankofonisë
Ai ka thënë se anëtarësimi i Kosovës në këtë organizatë do të përbëjë një hap të rëndësishëm në kuadër të diplomacisë parlamentare.

“Në korrik, në Quebec do të merret vendimi për pranimin e Kosovës si anëtare e përhershme në Asamblesë Parlamentare të Frankofonisë. Për këtë qëllim e ftova në Kosovë, zotin Jacques Krabal, Sekretar i përgjithshëm i Asamblesë, nga i cili sot morra konfirmim se Kosova ka përmbushur kriteret e parapara për pranim si anëtare e përhershme”, ka shkruar Veseli në Facebook.

Ky anëtarësim do t’i ndihmojë Kosovës në ndërtimin e marrëdhënieve, dhe promovimit të saj në vendet që nuk e kanë njohur ende si shtet.

Kujtojmë se javën e kaluar, Veseli ka qenë në Austri së bashku me një grup deputetësh për të lobuar për liberalizimin e vizave. Ai është takuar me homologun austriak, Wolfgang Sobotka, ku ka marrë përkrahje drejt integrimeve evropiane.