Kuvendi i Kosovës është duke zhvilluar sot seancë parlamentare ku po miratohen disa pika të rendit të ditës të papërfunduara në seancat e kaluara.

Kryetari i Kuvendit Kadri Veseli duke u përpjekur që këto pika të kryhen sa më shpejt pasi ka seancë të re parlamentare në radhë, ka folur më shpejt se zakonisht, raporton arbresh.info.

Kjo duket se e ka irrituar deputetin e VV-së, Adem Mikullovci i cili e ka marrë fjalën duke e imituar Veselin, duke folur në mënyrë të pshtjelltë.

Në atë moment, Veseli ka mbetur duke shikuar sekretarin e Kuvendit me habi se çfarë po ndodh, mirëpo Mikullovci shumë shpejt ka treguar se po e imitonte Veselin duke sqaruar se me të folurën e tij nuk po kuponte asgjë.

Kjo ka bërë që të gjithë t’ia plasin të qeshurës ndërkohë që Veseli i tha atij se bëri mirë që ia bëri të qartë se ai është mirë pasi kishin menduar të kundërtën.

“Së pari jam i gëzum, se unë u frikësova se nuk je mirë, por ma bëre me dije se unë nuk jam mirë”, ka thënë Veseli./Arbresh.info