Lideri i Vetëvendosjes, Albin Kurti ka thënë se rregullimi i sistemit shëndetësor në Kosovë do të ndodh vetëm pas fitores së Vetëvendosjes.

Kurti, në një takim me specialistë të shquar të mjekësisë tha se qendrat mjekësore në komunën e Prishtinës, Vetëvendosje i ka bërë model për Kosovën e rajonin, shkruan arbresh.info.

Lexoni të plotë postimin e tij në Facebook:

Rregullimi i sistemit shëndetësor do të ndodhë vetëm pas fitores së VETËVENDOSJE!-s

Mjekët po bashkohen me Lëvizjen, sepse Lëvizja është ajo që do të investojë në shëndetësi. Pushtetarët e deritashëm veç kanë vjedhur paratë e barnave dhe i kanë shkatërruar spitalet.

Qendrat mjekësore në Komunën e Prishtinës i kemi bërë model për Kosovën e rajonin. Aty kurrë s’mungojnë barnat apo teknologjia. Krejt ndryshe nga klinikat e kohës së shkuar, ku më shpejt e merrje një sëmundje të re se sa shëroheshe.

Të njëjtën do ta bëjmë pas 11 qershorit me të gjitha klinikat e spitalet e Kosovës.

Këto gjëra i diskutuam në një takim me specialistë të shquar të mjekësisë./Arbresh.info.