Arbenita Murseli është kandidate për asamblenë komunale të Prishtinës nga radhët e AKR-së.

Me profesion është magjistre e shkencave ekonomike në Menaxhment dhe Informatikë, gazetare e diplomuar, gjithashtu edhe kandidate për doktoraturë në Universitetin Europian të Tiranës.

Murseli shprehet bindshëm se është e më se e gatshme që të përfaqësoj denjësisht qytetarët e Prishtinës.

“Jam në këtë garë sepse dua të jem zëri i fuqishëm i qytetarëve të Prishtinës, të kundërshtoj sa herë të shkelen interest e tyre, të kontribuoj për një Prishtinë me perspektivë, me një sistem të shëndetësisë komplet ndryshe, pa kaos në trafik , pa ajrin e ndotur e shumëçka tjetër” u shpreh kandidatja e sila po synon të jetë këshilltare në asamblenë komunale të Prishtinës.

Arbenita aktualisht është zyrtare për informim në Aleancën Kosova e Re, e poashtu po merret edhe me moderimin e tubimeve zgjedhore për zgjedhjet e 22 tetorit.