Kandidati për kryetar të Fushë Kosovës nga LDK, Besnik Osmani ka mbajtur një tubim elektoral me gratë dhe vajzat, në ditën e parë të Muajit Rozë.

Në këtë tubim, Osmani ka prezantuar 13 kandidate gra për asamblistë në zgjedhjet e 12 tetorit.

“Një takim elektoral i mrekullueshëm me vajzat dhe gratë tona, i organizuar pikërisht në ditën e parë të Muajit Rozë – muajit të fushatës parandaluese për luftën kundër kancerit të gjirit. Sonte prezantuam me krenari 13 kandidatet tona femra, të cilat me profesionalizëm, integritet dhe pasion po japin maksimumin për fitoren e madhe më 12 tetor”, ka shkruar Osmani në llogarinë e tij në Facebook.

“Në këtë takim u prezantua edhe programi ynë qeverisës për familjen dhe gruan, një vizion i qartë që garanton më shumë mbështetje, siguri dhe mundësi të barabarta për të gjitha. Ky bashkim i fuqisë së gruas dhe përkushtimit politik është garanci për ndryshimin që na pret”, tha Osmani./Arbresh.info