Kandidatja e VV-së thotë që do t’i realizojë të gjitha “planet konkrete për Dragashin”

00:37 | 14 Tetor 2021

Kandidatja për kryetare të komunës së Dragashit nga radhët e Vetëvendosjes, Kaltrina Salihu, është zotuar se do t’i realizojë të gjitha planet që i ka të planifikuara për këtë komunë, në rast e merr mandatin.

“Ekipi i Vetëvendosjes së bashku me asamblistët kemi hartuar një plan qeverisës për mandatin që po na pret dhe ky plan është i organizuar në gjashtë fusha – të gjitha njëjtë të rëndësishme dhe që e plotësojnë njëra tjetrën”.

Salihu në Edicionin Zgjedhor në Klan Kosova, ka thënë që fokusi është tek përmirësimi i administratës komunale “rritjen e efikasitetit, bashkëpunimin më të fuqishëm me grupet punuese në fshatra, krijimin dhe funksionalizimin e mekanizmit për bashkëpunim ndërkufitar”.

“Është fakt që vazhdojmë secili kandidat këtu të përmendim dhe t’i japim prioritet infrastrukturës mungesës së ujit, parregullsive në menaxhimin e ujërave të zeza dhe mungesës së shërbimit adekuat për shërbimin e mbeturinave. Këto janë nevoja të patjetërsueshme, nuk janë referate por janë gjëra konkrete të planifikuara në nevoja konkrete që kanë ardhë nga qytetarët”.

“Nevoja për dizajnimin e këtyre planeve qeverisëse që i kemi të gjithë para vetes dhe kurrsesi nuk janë referate, por janë plane konkrete që do t’i realizojmë unë si kryetare e ardhshme do ti realizoj të gjitha në mënyrë konkrete duke adresuar në nevoja konkrete atje”.

Lajmet më të lexuara