Zhvillimi teknologjik e ka bërë abuzimin më masiv në Internet

12:57 | 16 Tetor 2024
Q L

Në Shqipëri flitet rëndom për piraterinë, por qasja ndaj fenomenit është indiferente dhe shoqëria shqiptare shpesh nuk e kupton që ushqen një industri abuzuese.

Një aktivitet që bazohet në cenimin e rëndë të së drejtës së autorit, duke vjedhur dhe transmetuar programe pa aprovimin e prodhuesit.

Në puntatën e kësaj të mërkure, “Inside Story” do të sjellë një investigim të zgjeruar që zbulon format e piratimit të përmbajtjeve televizive dhe atyre filmike.

Zhvillimi teknologjik tashmë e ka çuar abuzimin drejt një dimensioni të ri masiv duke shpërndarë programet e vjedhura përmes internetit.

Nga linqet pirate te pajisjet IPTV që reklamohen rëndom online. Si është rrënjosur thellë kultura e vjedhjes që po dekurajon krijimtarinë cilësore nga prodhuesit e ndershëm që u shkon dëm mundi.

Cili duhet të jetë roli i institucioneve dhe qytetarëve për të frenuar këtë paligjshmëri?/tch/