Një telefon i palosshëm nga Apple është diçka që ka entuziazmuar entuziastët e teknologjisë për vite dhe tani thuhet se është gati të bëjë një hap më shumë për t’u bërë realitet.

Siç raportojnë mediat e huaja, kompania pritet të vendosë për një furnizues për ekranin e palosshëm të iPhone deri në fund të këtij muaji ose në fillim të prillit.

Apple ka ofruar një sërë kërkesash të rrepta për prodhuesit e ekraneve për iPhone-in e saj të palosshëm, shkruajnë mediat e huaja.

Kompania zakonisht është vonë për shumicën e inovacioneve të teknologjisë dhe gjithmonë preferon t’i bëjë gjërat “në mënyrën e Apple”, e cila përfshin veçori të çuditshme dhe një përpjekje për përsosmëri.

Bëhet e ditur se Apple ka plane të ngjashme për iPhone të palosshëm dhe nuk ka ndërmend të marrë ndonjë rrezik.

Prodhuesit dyshohet se po i afrohen mundësive për të prodhuar llojin e ekraneve që Apple ka kërkuar.

Pasi kompania të ketë zgjedhur një furnizues, puna në iPhone të palosshëm duhet të fillojë.

Disa raporte shumë optimiste pohojnë se pajisja e palosshme mund të prezantohet në 2025, megjithëse nuk dihet nëse është e mundur.

Edhe viti 2026 do të ishte i papritur, andaj nuk pritet të ketë shpresa për një iPhone të palosshëm deri në vitin 2027. /Telegrafi/