Edhe këtë vit, listën e fjalëkalimeve më të këqija që përdorin persona të ndryshëm në internet e kryeson fjalëkalimi ‘123456’. Kjo listë sikurse edhe viteve të kaluara publikohet nga ‘SplashData’. Disa nga fjalëkalimet e këqija por që më shumë janë përdorur janë edhe ‘12345678’, ‘qwerty’, ‘password’ apo fjalëkalimi ‘batman’, që nuk ishte pjesë e top listës së fjalëkalimeve më të këqija për vitin 2013. Këtë listë ‘SplashData’ e nxjerrë duke gjurmuar fjalëkalimet e vjedhura që gjenden në skedarët të cilët hakerët e ndryshëm i kanë publikuar në internet. Këto top fjalëkalime përbëjnë 2.2% të totalit të fjalëkalimeve të publikuara. Pra në vitin 2014 janë përdorur më pak fjalëkalime të këqija, dhe ndoshta jehona e madhe që i është bërë ndërhyrjeve të hakerëve në kompani të ndryshme si ‘Sony’ apo ‘Target’ ka ndikuar që njerëzit të brengosen për të dhënat e tyre dhe të përdorin fjalëkalime më të vështira për t’u gjetur.

Ne ju sygjerojmë që mos të përdorni asnjë nga këto fjalëkalime, si dhe të lexoni këtë artikull të shkruar kohë më parë rreth sigurisë së fjalëkalimeve./.itshqip