Dielli dhe shoferët shpesh nuk janë miqtë më të mirë.

Në muajt e vjeshtës, dimrit dhe pranverës, Dielli është i ulët në horizont, prandaj është mirë që gjithmonë të keni syze dielli në makinë – sepse gjatë kësaj periudhe, rrezet e diellit direkte mund të verbojnë shoferin.

Sa i përket Diellit, ose më mirë dritës së tij direkte që zvogëlon fushën e shikimit të shoferit, ja disa këshilla:

– Shoferë, ngrini pozicionin e ndenjësisë dhe ulni mbulesën e diellit, duke pasur kujdes që të mos e kufizoni shumë fushën e shikimit. Mbani gjithmonë syze dielli me vete.

– Rritni distancën e sigurisë ndërmjet automjetit tuaj dhe mjetit para jush. Jini veçanërisht të kujdesshëm në kthesat. Ngadalësoni shpejtësinë dhe kini kujdes nga përdoruesit e tjerë të rrugës, si çiklistët dhe këmbësorët.

– Një xham i ndotur i kombinuar me rrezet e diellit redukton ndjeshëm dukshmërinë. Mbani të pastër xhamat në makinën tuaj, veçanërisht xhamin e përparmë. Gjithashtu, kontrolloni gjendjen e fshirëseve në automjet. Duhet te jene ne gjendje te mire dhe te funksionojnë pa gabime. /Telegrafi/