Apple pritet t’i lansojë në shtator produktet më të reja

10:39 | 24 Gusht 2021

Apple po planifikon të mbajë një seri ngjarjesh në shtator për të lansuar produktet më të reja, sipas një raporti të DigiTimes.

Sipas raportit, Apple-i këtë vjeshtë planifikon të lansojë iPhone 13, iPad Mini 6, Apple Watch Series 7, AirPodsat e ri dhe MacBooksin e ri.

Ndonëse Apple ende nuk ka konfirmuar ndonjë datë, një raport i mëparshëm nga Wedbush ka bërë të ditur se një ngjarje për të lansuar iPhonin më të ri pritet të mbahet saktësisht më 4 shtator.

Mbajtja e disa ngjarjeve të njëpasnjëshme brenda një muaji për të promovuar disa produkte të reja, mund të jetë ngarkesë e madhe edhe për vetë Apple-in.

Në vitin 2019, Apple kishte lansuar iPhone, Apple Watch dhe iPadin në të njëjtën ditë, derisa në vitin 2020 ishin mbajtur tri ngjarje ndaras për të lansuar iPhonin e ri, iPadsin dhe Macs.

Lajmet më të lexuara