iPhone X ka probleme me ekranin, ka pranuar Apple, dhe u ofron klientëve riparime.

Në disa pajisje ekrani “nuk përgjigjet ose reagon me ndërprerje” kur preket dhe në raste të tjera mund të reagojë “edhe pse nuk është prekur”, tha kompania.

Problemet mund të lindin “për shkak të një komponenti që mund të dështojë në modulin e ekranit”, tha Apple.

Telefoni prej 999 funtave, i cili u lansua nëntorin e kaluar dhe u ndërpre në shtator, është raportuar nga përdoruesit pasi që ekrani nuk funksiononte siç duhet për disa muaj.

Tani Apple ka njoftuar se konsumatorët mund të marrin një zëvendësim të lirë të ekranit dhe klientët të cilët kanë paguar tashmë për riparimin do të jenë në gjendje të kërkojnë një rimbursim.

Përdoruesit në forume online u ankuan se telefoni i tyre po bënte “klikime të rastësishme” kur ata nuk ishin duke bashkëvepruar me të, ose se papritur ndaloi funksionimin.

Ky është programi i parë pa pagesë i riparimit që Apple ka ofruar për telefonin. Përdoruesit gjithashtu janë ankuar edhe se telefoni nuk zgjohet në kohë për t’iu përgjigjur një telefonate.

iPhone X nuk vazhdoi të prodhohej që nga shtatori, kur iPhone XS u lansua.