Serie B do të rinis më 26 qershor.

Qeveria e Italisë dhe FIGC kanë konfirmuar sot se sezoni i futbollit në Itali do të rifillojë gjatë muajit qershor.

Serie A do të rifillojë më 20 qershor, kurse Serie B do ta bëjë këtë gjë më 26 qershor, transmeton lajmi.net.

Presidenti i Lega Serie B, Mauro Balata, konfirmon këtë datë, duke thënë se Lega Pro po konsideron ‘Play Off’ dhe ‘Play Out’.

“Serie B do të rifillojë më 26 qershor, pasi tashmë kemi dorëzuar datën dhe Qeveria është pajtuar, për çka i falënderohemi ministrit Spadafora”, ka thënë Balata, transmeton lajmi.net.

“Është një gjë e mrekullueshme që po fillojmë”, ka shtuar ai.

Kujtojmë se data është mësuar edhe për Kupën e Italisë. Ajo zhvillon gjysmëfinalet më 13-14 qershor, kurse finalen më 17 qershor.