Trajneri kosovar Ismet Munishi është shkarkuar nga skuadra kryeqytetase “FC Prishtina” pasi nuk ka arritur pritshmëritë ndaj ndeshjes së djeshme me Malisheven.

Faqja zyrtare e klubit bardhekaltër e ka konfirmuar largimin e Munishit nga FC Prishtina.

Skuadra do të udhëhiqet nga Debatik Curri deri në një vendim të ri.

Njoftimi i plotë nga FC Prishtina:

Faleminderit Ismet Munishi!

Bordi i FC Prishtinës ka vendosur që ta ndërpresë bashkëpunimin me trajnerin Ismet Munishi.

Një vendim i tillë ka ardhur për shkak të mos arritjes së rezultateve të dëshiruara në ndeshjet e fundit.

FC Prishtina e falëndëron përzemërsisht Munishin për punën e bërë në skuadër.

Skuadrën aktualisht do ta drejtojë trajneri Debatik Curri dhe ndihmësit e tjerë deri në një vendim të ri./arbresh.info/