Landrit Rama është transferuar tek skuadra e Llapit.

26-vjeçari ka qenë lojtar i Vushtrrisë dhe luan si qendërmbrojtës teksa lajmin për transferimin e Landritit e ka bërë të ditur, Llapi përmes një postimi në rrjetin social Facebook, shkruan Arbresh.info.

Ai ka nënshkruar një kontratë për tre vitet e ardhshme me llapjanët.

Rama është bashkuar me klubin dhe ka përfunduar gjitha përgatitjet para-sezonale, teksa do jetë i gatshëm të paraqitet qysh nga ndeshja e parë për Kupë ndaj Trepçës ’89.

Ai u shpreh i lumtur me trasnferimit e tij tek llapjanët.

“Jam shumë i lumtur që kam nënshkruar me Llapin. Pas interesimit të klubit në veçanti Drejtorit Sportiv, Mentor Zhdrella dhe kryetrajnerit Tahir Batatina, nuk e kisha fare të vështirë të vendos. Të gjithë në klub më kanë pritur jashtëzakonisht mirë si trajnerët, stafi dhe bashkëlojtarët për çka u jam falenderues. Objektivat e klubit janë të qarta, klubi ka synim trofetë dhe unë jam i gatshëm t’iu shërbej ngjyrave bardhekaltër në arritjen e këtyre objektivave”, ka deklaruar Rama për faqen zyrtare të klubit.

Rama është transferimi i parë i klubit të Llapit në afatin kalimtar të janarit./Arbresh.info/