Zyrtare: Herolind Shala është bërë me skuadër të re

14:58 | 13 Shtator 2023
K.B

Herolind Shala është bërë me skuadër të re.

Mesfushori i Përfaqësueses së Kosovës është rikthyer tek Erzurumspori dhe do të jetë pjesë e këtij ekipi edhe për edicionin 2023/24.

Ai të mërkurën është prezantuar tek Erzurumspori, ekip që bën gara në kategorinë e dytë të futbollit turk.

Shala ishte pjesë e Erzurumit prej vitit 2021 dhe pritet të jetë i gatshëm për lojë këtë fundjavë.

31-vjeçari u largua nga kjo skuadër në qershor të këtij viti pasi i skadoi kontrata. Shala është rikthyer sërish dhe ka firmosur kontratë njëvjeçare.

Ai para Erzurumit, ka luajtur edhe te Stabaeku, Valerenga e Starti në Norvegji, pastaj Lyngby, Sparta e Pragës, Kasimpasha e të tjera.

Edicionin e shkuar, ai pati tri asistime në 28 paraqitje kampionale për Erzurumsporin./lajminet

Shpërndaje në rrjete sociale

Lajmet më të lexuara

Të ngjashme

Foto lajm

sq sq