Ish trajneri i Japonisë, Vahid Halilhodzic është emëruar si trajner i ri i Marokut sot (e enjte) duke regjistruar kështu detyrën e tij të tretë në kombin afrikan.

67-vjeçari zëvendësoi në detyrë trajnerin Herve Renard, i cili u largua pas Kupës së Kombeve të Afrikës për të marrë detyrën te Arabia Saudite, transmeton portali arbresh.info.

“Arritja në finalet e Kampionatit Botëror më 2022 është qëllimi im kryesor”, ka thënë fillimisht Halilhodzic, i cili së fundmi ka drejtuar skuadrën franceze Nantes.

“Kjo është hera e katërt që unë përpiqem për të dërguar një skuadër në Kampionatin Botëror”

Halilhodzic ka udhëhequr në të kaluarën Bregun e Fildishtë dhe Algjerinë.

Ai ishte në detyrë te Japoni nga viti 2015 deri më 2018, por ishte shkarkuar dy muaj para finaleve të Kampionatit Botëror në Rusi./arbresh.info/