Ylli i Stuttgartit i prerë, do vetëm transferimin tek Bayerni përkundër interesimit të klubeve tjera

16:52 | 29 Qershor 2025
D.H

Futbollisti i ri gjerman, Nick Woltemade ka marrë një vendim të prerë për të ardhmen e tij.

Nëse largohet këtë verë nga VfB Stuttgart, destinacioni i tij i vetëm është Bayern Munich, shkruan Arbresh.info

Sipas raportimeve të Florian Plettenbergut, ditë më parë Woltemade ka arritur një marrëveshje të plotë personale me FC Bayern, e cila do ta mbajë lojtarin të lidhur me gjigandët gjermanë deri në verën e vitit 2030.

Rreth 7.5 milionë euro do të jetë paga e tij, me mundësi që të arrijë deri në 10 milionë euro përmes bonuseve.

Edhe pse interesimi ka qenë i madh nga klube si Chelsea dhe Napoli, 23-vjeçari i ka bërë të qartë drejtuesve të Stuttgart se nuk do të negociojë me asnjë tjetër përveç Bayernit.

Klubi e konsideron Woltemade si “të pashitshëm” për këtë verë dhe ka vendosur një çmim të lartë për kartonin e tij, që arrin nga 60 deri në 100 milionë euro.

Negociatat pritet të përshpejtohen mes dy klubeve pasi tashmë Evropiani U21 ka mbaruar, aty ku Woltemade ka qenë një nga lojtarët më të mirë të Gjermanisë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm

sq sq