Barcelona u mundua dhe dështoi që ta transferojë Nico Williams gjatë kësaj vere, përkundër përpjekjeve të tyre të mëdha.
Nuk ishte vetëm departamenti sportiv i klubit që po punon aktivisht për transferimin e yllit spanjoll, por edhe disa nga lojtarët e tyre ishin të përfshirë në këtë proces.
Alejandro Balde ishte njëri prej tyre. Ai është një mik i ngushtë i Williams, pasi dyshja më herët kanë luajtur së bashku për Spanjën.
Në një intervistë me Tot Costa, ai ka shpjeguar se ka biseduar me 22-vjeçarin gjatë kësaj vere.
“Është e vërtetë unë bisedoj shumë me Nico Williams. Unë bisedoj me të praktikisht çdo ditë, por në fund të gjithë vendosin jetën e tyre, vendosin karrierën e tyre dhe bëjnë atë që duan”, ka thënë Balde.
Paaftësia e Barcelonës për t’i ofruar siguri Williamsit se ai do të regjistrohet si pjesë e ekipit u pa si arsyeja më e madhe për përpjekjet e dështuara për transferimin e tij.
Në rast se drejtuesit e klubit blaugranas arrijnë që ta zgjidhin këtë problem sezonin e ardhshëm, një tjetër përpjekje do të bëhet që do të thotë se Balde ka mundësi të ribashkohet me mikun e tij të ngushtë./Telegrafi/
Vaji i susamit përmirëson shëndetin e grave me dhjam në mëlç...
Kosova lajm në BBC që i dha shtetësinë Dua Lipës – “E dua kë...
Si ta përdorni sodën e bikarbonit për trajtimin e afteve dhe...
Shawn Mendes për herë të parë në Kosovë, ndez skenën e Sunny...
Ndahet nga jeta vëllai i legjendë së boksit, Muhammed Ali
Konflikti në Vlorë, cilët janë personat që qëlluan njëri-tje...