Mesfushori i Arsenalit, Granit Xhaka synon të luajë në Evropë edhe edicionin tjetër dhe mendon se “Topçinjtë” kanë shanse t’ia dalin.

Duke ndjekur barazimin e fundit me West Hamin (3-3), Arsenal renditët në pozitën e 10-të, shtatë pikë prapa pozitës së pestë që e mbajnë “Çekanët”, transmeton lajmi.net.

Nëse Arsenal mund ta fitojnë Ligën e Evropës ata mund të rikthehen në Ligën e Kampionëve për herë të parë që nga sezoni 2016/17, diçka të cilën është duke synuar Xhaka.

“Në ligë jemi duke u rikthyer në pozitat e Evropianit dhe tani duhet t’ia dalim. Në Ligën e Evropës do ishte absolut e rëndësishme të arrijmë deri në finale”.

“Pra, ky sezon ka pasur ngritje dhe zbritje. Nuk ia nisëm mirë, nuk shënuam në disa ndeshje, por tani gjërat janë duke u përmirësuar”, deklaroi ai.

Arsenal në çerekfinale të Ligës së Evropës do përballet me Slavia Praga.