Arsenali ka qenë shumë pranë fitores ndaj Watfordit, në javën e pestë në Ligën Premier.

Topçinjtë ishin duke udhëhequr 2-0 nga pjesa e parë, mirëpo në fund e humbën epërsinë duke barazuar 2-2.

E për këtë barazim ka folur edhe kapiteni i Arsenalit, Granit Xhaka që deklaroi se skuadra e tij ishte me fat që mori së paku një pikë nga ky takim.

“Gjithçka ishte në rregull pas pjesës së parë. Ishim të gjithë të lumtur, por dolëm e luajtëm aq keq në pjesën e dytë. Mund të themi se jemi me fat që po marrim një pikë”, tha Xhaka.

Prishtinasi tha se skuadra e tij ishte e tij ishte e frikësuar në pjesën e dytë, pasi e dinin se vendasit do të sulmonin.

“Ishim të frikësuar në pjesën e dytë. E dinim se do të na sulmonin dhe shtynin, por duhet të tregojmë më shumë karakter e të mos frikësohemi”, ka thënë ai pas takimit për “SkySports”. /Telegrafi/