Gjatë ditës së sotme janë zhvilluar edhe ndeshjet e mbetura në program nga java e 14-të në Ligën e Parë.

Favoritët kanë fituar përveç Trepçës që u ndal nga KEK-u në Mitrovicë, ndërsa kryendeshja mes Suharekës dhe Dinamos u mbyll me fitoren e mysafirëve 0-1, shkruan Arbresh.info.

Trepça luajti baras me KEK-un 0-0. Ndërsa skuadra tjetër mitrovicasve, Trepça ’89 triumfoi bindshëm ndaj 2 Korrikut me rezultat 5-1.

Lideri i tabelës, Vushtrria e mposhti Prizrenin në udhëtim 0-1, fitore me po të njëjtin rezultat shënoi edhe Vëllaznimi ndaj Tefik Çangës.

Minimalisht 1-0 fitoi edhe Feronikeli ’74 ndaj Istogut si dhe Ramiz Sadiku mposhti Vjosën.

Fitore të madhe shënoi Liria në udhëtim tek Besa Peja me rezultat 3-1, ndërsa Kika e Hogoshtit po ashtu me këtë rezultat mposhti Rilindjen 1974 të Faruk Statovcit.

Pas 14 xhirove, Vushtrria vazhdon lidershipin me 31 pikë, tri më shumë se Vëllaznimi e Dinamo. E katërta është 89-shi me 27 sosh, një më pak ka Feronikeli i cili ka një ndeshje më pak të luajtur.

Kurse i fundit në tabelë është 2 Korriku me gjashtë pikë, e parafundit është Besa e Pejës me shtatë sosh.

Java e ardhshme pritet të ketë sfida të zjarrta ku vlen të theksohet derbi mes Vushtrrisë dhe Trepçës./Arbresh.info