“Van Dijk mund të largohet nga Liverpool për tu transferuar te Reali ose Barcelona”

17:06 | 24 Shkurt 2020
Arbresh Info

Legjenda e Manchester United dhe Liverpool, Paul Ince beson se qendërmbrojtësi, Virgil van Dijk mund të largohet nga “Anfield” nëse kërkohet nga Real Madrid e Barcelona.

Van Dijk vitin e kaluar mori çmimin e mbrojtësit më të mirë në botë pas një suksesi të mrekullueshëm me “Reds”, transmeton portali arbresh.info.

Mirëpo, Ince beson se nëse holandezi është i kërkuar nga Reali e Barcelona, atëherë me shumë mundësi do e pranojë ofertën.

“Kur Barcelona ose Real Madrid fillojnë ta kërkojnë, atëherë është vështirë të thuash jo”.

“Kjo është të jesh viktimë e suksesit, kur je duke bërë gjëra të mira me Liverpool, je nën vëzhgimin e klubeve të mëdha si Barcelona ose Madrid”, deklaroi Ince.

Liverpool sot (e hënë) do përballet me West Ham, ndeshje e cila nis në ora 20:00./arbresh.info.