“U zgjova në këtë mënyrë”, fotoja e Lewandowskit që po bën gjiron e botës

13:25 | 31 Dhjetor 2020
Arbresh.info

Sezonin që lamë pas, Bayern Munich, ishin ekipi më i suksesshëm në top 5 ligat evropiane.

Ata arritën që ta fitojnë tripletën pasi siguruan fitoren e tyre 1-0 ndaj Paris Saint-Germain, me golin e Kinsgley Coman.

Në anën tjetër, Robert Lewandowski, ka pasur një prej sezoneve më të mira në karrierën e tij.

Ai shënoi 55 gola në 47 paraqitje dhe fitoi çmimin e lojtarit më të mirë të vitit të shpallur nga FIFA, gjithashtu është shpallur edhe golashënuesi më i mirë në Ligën e Kampionëve.

15 gola në 10 ndeshje tregojnë se çfarë suksesi të jashtëzakonshëm ka pasur polaku sezonin e kaluar. Në mëngjesin e sotëm, ai ka postuar një fotografi në instagram me trofetë që ka fituar këtë sezon, me mbishkrimin “U zgjova sot kështu”.