Ditën e sotme nis xhiroja e fundit e kampionatit të rregullt në elitën e basketbollit kosovar, ku vendoset të gjitha dilemat se kush do të bie nga elita, dhe kush do ta siguroj play-offin.

Tashmë dihet se Trepça dhe Bashkimi do ta nisin play-offin nga gjysmëfinalet, teksa Bora ka siguruar pozitën e tretë, shkruan Arbresh.info.

Luftë e ashpër do të jetë për mbijetesë ku Rahoveci 029 luan në udhëtim tek Golden Eagle Ylli, dhe vetëm fitorja është obligim për vreshtarët. Edhe Ylli e kërkon triumfin me do e mos pasi do ta siguronte pozitën e katërt.

Teksa një tjetër përballje e fort pritet të luhet midis Vëllaznimit dhe Pejës. Gjakovarët e kërkojnë fitoren për të mbetur në elitë, teksa Pejën kërkojnë triumfin për të marrë terrenin vendas në çerekfinalen e play-offit ndaj Yllit.

Ndërkohë në përballjen e tretë por jo më pak nga rëndësia është në Mitrovicë, aty ku liderja Trepça e pret Sigal Prishtinën ‘e thyer’ dhe me ‘shumë probleme’.

Në rast të humbjes së sotme dhe fitores së Vëllaznimit, kryeqytetasit do ta humbasin play-offin, gjë që për klubin më të trofeshëm në Kosovë do të ishte fatale.

Të tri ndeshjet nisin nga ora 18:45./Arbresh.info