Trepça ka arritur të transferojë në radhët e veta qendrën me shumë përvojë Chad Borwn.

Lajmi u bë i ditur përmes një postimi në rrjetin social Facebook të klubit, shkruan Arbresh.info.

Ai është i gjatë 206 cm dhe ka pasur një karrierë të pasur nëpër shumë klube të mëdha evropiane ku sukseset nuk i kanë munguar.

Sezonin e fundit u paraqit me Titanes në Republikën Domenikane, me të cilin klub ka fituar edhe titullin kampion.

Ai gjithashtu ka luajtur në Superligën e Greqisë me ekipet Charilaos, Peristeri dhe Apollon Patras.

Në Superligën e Turqisë është paraqitur me ekipin Merkezefendi, ndërsa në Superligën e Izraelit ka luajtur për Hapoel Galil Gilboa.

Përveç këtyre vende karrierë ka bërë edhe tek King Szczecin në Poloni, dhe tek skuadra e Bundesligës së Gjermanisë, Giessen 46ers.

Kurse ka luajtur edhe në në G League me ekipin Texas Legends.

Ky është basketbollisti i katërt i huaj i kampionit të Kosovës për këtë edicion./Arbresh.info