Skuadra e Trepçës nesër luan ndeshjen e parë historike ndaj skuadrës së Leidenit, me fillim nga ora 19:00, në Mitrovicë.

Ky është takimi i parë për ‘Xehetarët’ në FIBA Europe Cup, pasi javën e kaluar sfida me skuadrën izraelite Hapoel Galil Elion nuk u zhvillua, për shkak të situatës në Izrael, shkruan Arbresh.info.

Ndërkohë, Leiden e nisën me fitore duke mundur BCM Gravelines Dunkerque me shifrat 77:69.

Atmosfera në Mitrovicë pritet të jetë ‘elektrizuese’ për sfidën evropiane.

Xehetarët  edicionin e kaluar ishin në kualifikime për grupet e FIBA Europe Cup, por nuk ia arritën qëllimit të hyjnë në grupe, por këtë vit në Estoni, Trepça triumofi ndaj Tindastollit me reultat 77-69, dhe skuadrën nikoqire estoneze Parnu Sadam 77-67, për tu kualifikuar në Fiba Europe Cup.

Kujtojmë që Trepça është ekipa e parë nga Kosova që arrin të kualifikohet në këtë kompeticion përmes kualifikimeve të kësaj gare./Arbesh.info/