Rikthimi sensacional i Sevillas nga disavantazhi prej tri golave kundër Liverpoolit mbrëmjen e së martës ka marrë një kuptim tjetër pasi raportohet që trajneri Eduardo Berizzo ka zbuluar tek të gjithë lojtarët në pjesën e parë se është diagnostikuar me kancer.

Spanjollët ishin duke humbur 3 me 0 para pushimit në ndeshjen që ishte shumë e rëndësishme në grupin e UEFA Ligës së Kampionëve dhe gazeta lokale ‘Sevillainfo’ raportoi që kanceri në prostatë i Berizzos nxiti futbollistët që të barazojnë rezultatin në 3 me 3, transmeton portali arbresh.info.

Gazetari spanjoll Guillem Balague më pas konfirmoi këto raporte:

https://twitter.com/GuillemBalague/status/933119357970014208

“Redsat” shënuan në pjesën e parë tri herë, dy gola përmes Roberto Firminos dhe një përmes Sadio Manes, i cili realizoi me kokë. Por, nikoqirët u rikthyen fuqishëm në pjesën e dytë duke barazuar gjithçka.

Mësohet që trajneri Berizzo do të vazhdoj detyrën e tij për t’i ndihmuar Sevillas derisa vazhdon trajtimin.

Skuadra e tij aktualisht është në pozitën e pestë në La Liga, ndërsa barazimi i së martës do të thotë që ata qëndrojnë me vetëm një pikë prapa liderit të Grupit E, Liverpoolit./arbresh.info/