Tekniku austriak, Oliver Glasner, ëndërron që një ditë ta drejtojë gjigantin gjerman, Bayern Munich.

Këtë e bëri të ditur të hënën gazetari anglez, Alan Nixon. Sipas tij Bayerni është klubi i ëndrrave të Glasnerit.

Aktualisht 51-vjeçari Glasner është trajner i klubit nga Premier League, Crystal Palace. Trajner i Palacet është emëruar nga viti i kaluar. Deri më tani, Palacen e ka drejtuar në 73 ndeshje ku ka shënuar 36 fitore, 21 barazime dhe 16 humbje.

Me Palacen edicionin e kaluar shkroi histori duke e fituar Kupën FA. Për Palacen ky ishte trofeu i parë madhor në historinë 119-vjeçare.

Palace edhe në muajin gusht e fitoi trofeun “Community Shield” duke e mposhtur në finale Liverpoolin.

Kontrata e Glasnerit me Palacen përfundon në fund të këtij edicioni.

Ndërkohë trajner aktual te Bayerni është belgu Vincent Kompany.