Trajneri i Bullgarisë, Krasimir Balakov ka bërë një deklaratë tronditëse duke pretenduar se nuk i ka dëgjuar thirrjet raciste ndaj lojtarëve të Anglisë në ndeshjen mbrëmjen e kaluar.

Djelmoshat nën udhëheqjen e Gareth Southgates shfaqen karakterin e tyre duke luajtur dhe duke shkatërruar kundërshtarin e tyre në takimin e zhvilluar në kuadër të kualifikimeve për Euro 2020, transmeton portali arbresh.info.

“Isha plotësisht i fokusuar në ndeshje, nuk kam dëgjuar me të vërtet ndonjë gjë. Por kam folur me zyrtarët anglez dhe iu kam thënë atyre se nëse kjo dëshmohet se është vërtetë atëherë ne duhet të jemi të turpëruar dhe të kërkojmë falje këtë”, ka thënë Balakov.

“Por, e themë sërish, fillimisht duhet të dëshmohet se është e vërtetë”

Bulgaria head coach Krasimir Balakov claims not to have heard any racist chanting during England's game last night… ?? pic.twitter.com/SCTeUIcSxZ

— SPORTbible (@sportbible) October 15, 2019

Shumë tifozë janë dëgjuar duke bërë thirrje si “majmun” – gjë që ka bërë edhe që ndeshja të ndërpritet përkohësisht teksa të tjerët madje bënin përshëndetje naziste.

Kjo sjellje e tmerrshme kërkon veprim serioz dhe Balakov mund të dënohet gjithashtu për sjelljen e atyre të ashtuquajtur tifozë./arbresh.info/