Google ADS

Tjetër hap fals për Chelsean, mposhtet nga Ipswichi

22:43 | 30 Dhjetor 2024
D.H

Chelsea është mposhtur në udhëtim tek Ipswichi me rezultat 2-0 në kuadër të xhiros së 19-të në Premier League.

Vendasit e nisën rrufeshëm pjesën e parë duke shënuar në minutën e 12-të nga penalltia me anë të Delap, shkruan Arbresh.info.

Ndërkohë 12 minuta më vonë Chelseat iu anulua një gol nga VAR-i, pasi në pozicion jashtë lojë u gjend Joao Felixi.

Tetë minuta pas pjesës së dytë, ish-lojtari i “Bluve”, Hutchinson e ndëshkoi ish-skuadrën e tij duke dyfishuar epërsinë e Ipswichit.

Deri në fund gola të tjerë nuk pati dhe kështu skuadra e Aro Muricit arkëtoi tre pikë të mëdha në luftë për mbijetesën.

Me këtë fitore tashmë, Ipswichi ka 15 pikë dhe është e 18-ta, me një pikë më pak se Wolvesi i 17-ti. Kurse Chelsea është i katërti me 35 sosh./Arbresh.info

 

 

Shpërndaje në rrjete sociale

Lajmet më të lexuara

Të ngjashme

Foto lajm

sq sq