Milan është njëra nga skuadrat që e ëndërron çdo futbollist dhe kjo ëndërr mund t’i realizohet talentit shqiptar.

Gilberto Gega, mbrojtësi me origjinë shqiptare, që luan te të rinjtë e AEK-ut në Greqi, nga data 7 deri në 10 maj, do të provohet te gjiganti italian.

Lajmin e bën të ditur “gazzeta.gr”, e cila vërteton se lojtari 17-vjeçar do të shkojë për prova në Itali.

Gega luan si mbrojtës qendre ose si mbrojtës i majtë dhe ka bërë shumë paraqitje të mira më të rinjtë e skuadrës së Athinës. Për të janë interesuar edhe skuadrat si Lyoni dhe Fenerbahce.

Gega është i lindur në vitin 2002 dhe nga mediet greke nuk raportohet se ai është një lojtar me origjinë shqiptare. Vet të afërmit e lojtarit, e kanë postuar në “Facebook” lajmin e madh për Gilberton, i cili është duke jetuar ëndrrën e tij.