Talenti kosovar Fatbardh Gashi në prova te Dinamo Zagrebi

12:09 | 9 Mars 2019

Talenti i futbollistit të ri kosovar Fatbardh Gashi nuk ka shkuar pa u vërejtur dhe aftësitë e tij me topin i kanë siguruar kalimin në prova te një skuadër e njohur evropiane.

Mesfushori ofanziv i KF “Rilindja” është ftuar nga skuadra e Dinamo Zagrebit për të kryer prova zyrtare në arenën a tyre Maksimir, shkruan portali arbresh.info.

Një gjë të tillë e ka konfirmuar edhe vet klubi prishtinas përmes llogarisë së tyre në Facebook duke i uruar sukses Bardhit.

“Me kënaqësi njoftojmë se futbollisti i KF “Rilindja”, Fatbardh Gashi, është ftuar në prova zyrtare nga Dinamo e Zagrebit (prej 5 prillit)”, ka shkruar KF “Rilindja”.

“Klubi i uron fat e sukses Fatbardhit dhe besojmë se talenti i tij do të shkëlqejë”

16-vjeçari është shpallur pesë herë lojtari më i mirë në klub si dhe ishte golashënuesi më i mirë gjatë turneut ndërkombëtar në Komm Mitt International në Mynhem ku skuadra e tij fitoi dy herë titullin e kampionit./arbresh.info/

Shpërndaje në rrjete sociale

Lajmet më të lexuara