Talenti i ri i mesfushës, Hamza Muqaj, është lojtari më i fundit që i bashkohet klubit gjerman Holstein Kiel.

19-vjeçari kosovar transferohet nga FC Carl Zeiss Jena dhe ka nënshkruar kontratë afatgjatë deri më 30 qershor 2028.

Muqaj, i rritur në akademitë e futbollit në Berlin, bëri kalimin te Jena U19 në verën e vitit 2023 nga FC Hertha 03 Zehlendorf.

Në sezonin e fundit ai regjistroi 26 paraqitje në Regionalliga Nordost, duke bërë debutimin edhe me ekipin e parë.

Mesfushori që është pjesë e Kombëtares U21 të Kosovës, u shpreh entuziast për këtë hap në karrierë.

“E di që kalimi në Kiel është një hap i madh, por besoj se Holstein është vendi i duhur për zhvillimin tim. Jam shumë i motivuar të filloj”, tha ai.

Kiel këtë edicion do të bëj gara në Bundesliga 2, pasi sezonin që lamë pas nuk arriti t’i mbijetojë Bundesligës. Ata u pozicionuan në vendin e 17-të në renditjen tabelare./Arbresh.info