Arsenal dhe Manchester United kanë mbyllur me rezultat baras 90 minutëshin e sfidës së FA Cup në kuadër të raundit të tretë.

Tashmë fituesi do të përcaktohet në vazhdime potencialisht në penallti, shkruan Arbresh.info.

Një ndeshje që prodhoi gjithçka brenda pjesës së dytë me dy gola, një penallti e një karton të kuq.

“Djajtë e kuq” e nisën më mirë me golin e Fernandes. Mirëpo pas nëntë minutash, fati nuk i buzqëshi Unitedit, ku mbeti me 10 lojtarë në fushë pas kartonit të kuq të Dalotit.

Dy minuta pas përjashtimit të Dalot, Gabriel i Arsenalit barazoi takimin.

Arsenali pati mundësi të shënoj gol në minutën e 72-të, mirëpo nga penalltia gaboi Odegaard.

“Topçinjtë” patën edhe dy mundësi të mira por që Bayindir bëri dy pritje të shkëlqyera.

Mbetet të shihet nëse vazhdimet do të prodhojnë fitues./Arbresh.info