Shqipëria nesër luan miqësoren ndaj Gjibraltarit, e cila do të shërbejë si përgatitje për sfidën e vetme  zyrtare për këtë muaj ndaj Letonisë që luhet pak ditë më vonë në Tiranë.

Në konferencë për media ka dal sot selektori i kombëtares shqiptare, Sylvinho i cili ka folur edhe për largimin e Adrian Bajramit drejt Zvicrës, shkruan Arbresh.info.

Lidhur me këtë largim braziliani nuk e ndjen veten fajtor. Ai tregoi se kishte biseduar rreth gjysmë ore me të.

“I uroj shumë fat Bajramit në karrierë, zgjodhi Zvicrën dhe na njoftuan zyrtarisht nëpërmjet federatës edhe pse klubi i tij fillimisht nuk na tha asgjë. Biseduam 30 minuta në telefon por mbetet mes meje dhe tij përmbajtja.”

“Por kjo ndodh kudo në botë, kam eksperiencë mbaj mend dikur edhe mes Brazilit dhe Italisë ishte kështu.”

“Nuk ndihem fajtor për largimin e tij, asnjë shans nuk ka! Përpiqem të bëj maksimumin, për të mirën e kombëtares. E mora nga Benfica dhe e ndihmova”, u shpreh Sylvinho./Arbresh.info