Sulmuesi i Arsenalit, Folarin Balogun, ka ndërruar kombëtaren, duke kaluar nga Anglia në Shtetet e Bashkuara, ka konfirmuar FIFA .

21-vjeçari i lindur në New York, i cili aktualisht është i huazuar në klubin francez Reims, ka përfaqësuar Anglinë në nivelin U-21, por ka zgjedhur të luajë futbollin e tij ndërkombëtar për vendin e lindjes.

Zëdhënës i FIFA-s i tha agjencisë së lajmeve PA tha: “Është miratuar ndryshimi i kombëtares së lojtarit Folarin Jolaoluwa Balogun nga Anglia në SHBA ”.

Balogun ka bërë 13 paraqitje për skuadrën e Lee Carsley, por u tërhoq nga skuadra në mars për shkak të lëndimit.

Pasi kishte lindur në Amerikë, Balogun u transferua në Angli kur ishte dy vjeç dhe gjithashtu kualifikohet për të luajtur për Nigerinë.

Lojtarët kualifikues lejohen të ndryshojnë kombëtaret përpara se të kenë luajtur një ndeshje konkurruese për ekipin e parë të një kombi.

Balogun ka bërë 10 paraqitje me Arsenalin dhe ka shënuar dy gola për “Topçinjtë”, por e kaloi gjysmën e dytë të sezonit 2021-22 si huazim në Sky Bet Championship Middlesbrough.

Megjithatë, ai ka bërë emër në Ligue 1 këtë sezon me 19 gola në 34 paraqitje deri më sot./Arbresh.info/