Sigal Prishtina e ka nisur me fitoren stinorin e ri në ENBL, duke e mposhtur me rezultat 90-79 skuadrën norvegjeze Gimle, në takimin e grupit B.

Kryeqytetasit nuk e nisën mirë takimin pasi e humbën çerekun e parë 13-18, mirëpo u rikthyen për të shkuar në epërsi me tri pikë në pjesën e parë, 36-33, shkruan Arbresh.info.

Në pjesën e dytë, Prishtina e mbajti këtë ritëm dhe në fund triumfoi me 11 pikë diferencë.

Më i dalluari në këtë sfidë tek bardhekaltrit ishte Burns me 30 pikë, teksa lojë të mirë bën edhe Bailey që pati 16 sosh dhe Polloshka shtoi edhe 15 tjera.

Tek norvegjezët Johnson luajti me double-double prej 19 pikësh e 10 kërcimeve, teksa shtoi edhe tri asistime.

Prishtina takimin e radhës në ENBL e luan ndaj Brussels Basketball në udhëtim me 8 tetor./Arbresh.info