Trajneri i Juventusit, Maurizio Sarri beson që ylli i skuadrës, Cristiano Ronaldo do të fitojë Topin e Artë për herën e gjashtë.

Sot (e premte) pas disa orëve do ta kuptojmë se kush do të arrijë të fitojë Topin e Artë, transmeton portali arbresh.info.

Kandidatët kryesorë për të fituar këtë çmim janë mbrojtësi i Liverpoolit, Virgil van Dijk, sulmuesi i Barcelonës, Lionel Messi dhe ylli i Juventusit, Cristiano Ronaldo.

Derisa, tekniku italian beson që portugezi do të arrijë të fitojë çmimin.

“Nuk e di kush do ta fitojë Topin e Artë. Nëse me pyesni mua, mendoj dhe shpresoj që Ronaldo ta fitojë. Nëse kjo nuk është çështja, do të isha i mërzitur, sepse është lojtar i nivelit që gjithmonë është kandidatë për Topin e Artë”, deklaroi ai.

Kujtojmë që ceremonia e çmimeve fillon në ora 20:30./arbresh.info