Skuadra e Premierë Ligës së Rusisë ka siguruar barazimin në takimin e xhiros së parë të 1/8-së së UEFA Evropa Ligës kundër gjigantit anglez – Manchester United.

Rostov ka arritur të siguroj barazim 1 me 1 në paraqitjen e tyre të parë në fazat eliminuese të ndonjë kompeticioni madhështor evropian ndaj skuadrës së trajnerit Jose Mourinho, shkruan portali arbresh.info.

Klubi i strategut portugez kaloi në epërsi në ‘Olymp-2′ përmes mesfushorit Henrikh Mkhitaryan në minutën e 35′ të takimit pas asistimit nga Zlatan Ibrahimovic. Megjithatë, rezultati u barazua nga sulmuesi Aleksandr Bukharov (53’) në pjesën e dytë të ndeshjes.

Rosotov ka humbur vetëm tri ndeshje nga 13 të fundit të zhvilluara në kompeticionet evropiane, ndërsa skuadra e Jose Mourinhos është e pamposhtur në 15 ndeshjet e tyre të fundit në Evropë./arbresh.info