Roma tani është vetëm një hap larg nënshkrimit të mesfushorit të Paris Saint-Germain, Renato Sanches.

“Giallorossi” u takuan dje me gjigantët parizian për të provuar të arrinin një marrëveshje për mesfushorin portugez, i cili tashmë ka folur me Jose Mourinhon dhe trajnerin e portierëve Nuno Santos, transmeton Arbresh.info.

Roma ka qenë e qetë në tregun e transferimeve që kur u hap muajin e kaluar, duke marrë vetëm tre lojtarë – Rasmus Kristensen, Evan Ndicka dhe Houssem Aouar.

Më e rëndësishmja, ylli Paulo Dybala duket se do të qëndrojë në kryeqytetin italian.

Sipas, Gazzetta dello Sport, Roma tani ka rënë dakord me kushtet e një marrëveshjeje huazimi me PSG-në për Renato Sanches, i cili pritet të përfundojë transferimin në kryeqytetin italian në ditët në vijim pas kthimit nga turneu parasezonal në Japonia.

Një faktor kyç që lehtësoi lëvizjen ishte marrëdhënia e fortë me presidentët e klubit Dan Friedkin dhe Nasser Al-Khelaifi, si dhe bisedat mes lojtarit dhe trajnerëve Mourinho dhe Santos.

Renato Sanches ishte i prirur për idenë për të luajtur në Champions League, por ishte i bindur nga projekti në kryeqytetin italian./Arbresh.info/