Roma ka arritur të marrë një pikë ndaj skuadrës së Fiorentinës, në kuadër të xhiros së 15-të në Serie A.

Rezultati përfundoi 1-1, në një sfidë me shumë tension, shkruan Arbresh.info.

Edhe pse ndeshje u nis në mënyrën perfektë duke shënuar në minutën e pestë, përmes Lukakut, Roma më ishte e mangët.

Gjërat u vështirësuan edhe më shumë kur u largua Dybala pasi nuk arriti të vazhdonte më.

Problemet për Romën nuk mbaruan teksa në minutën e 64-të, mbetën me 10 lojtarë pas përjashtimit me karton të kuq të Zalewskit.

Vetëm dy minuta më vonë Martinez Quarta barazoi për Fiorentinën.

Lukaku në minutën e 87-të u ndëshkua me karton direkt të kuq dhe Roma mbeti me nëntë lojtarë kështu që u mbrojt deri në fund për të fituar një pikë të çmueshme në Olimpico.

Pas ndeshjes situata agravoi edhe më shumë  teksa lojtari i Fiorentinës, Milenkovic u ndëshkua me karton të kuq.

Kujtojmë që në këtë sfidë u shpërndan tre karton të kuq dhe nëntë karton të verdhë.

Me këtë barazim Roma është e katërta me 25 pikë teksa Fiorentina e shtata me 24 pikë./Arbresh.info/